《小傳日記》和醫24銀阻力變支持,趁調整作中長線吸納

　　《小傳日記》咁環境要買都係買啲穩陣股,筆者認為醫藥股長買長有,今日講下隻和黃醫藥(00013)。和醫頻頻有消息發表,今個月就有三單。1月初公布完成索樂匹尼布(sovleplenib)治療原發免疫性??板減少症嘅ESLIM-01中國III期研究患者?組。索樂匹尼布係多種亞型的B細胞淋巴瘤及??免疫疾病嘅成熟治療靶點,而和醫就 擁有索樂匹尼布全球範圍內嘅所有權利。另外,由阿斯利康同和醫聯合開發,用於治療局部晚期或轉移性??細胞肺癌相關嘅沃瑞沙(賽沃替尼)獲納?新版「醫保藥品?錄」,今年3?1?起?效。

　　上星期又公布同日本武田藥品子公司達成獨家許可協議,喺除咗中國以外(包括港澳)嘅全球範圍進一步推進呋喹替尼嘅開發、商業化同生產。呋喹替尼係一種高選擇性、強效嘅血管內皮

生長因子受體(「VEGFR」)-1、-2同-3抑制劑,可以口服,並有潛力用於轉移性結直腸癌嘅各種亞型中且不受生物標誌物狀態影響。

　　協議完成時,和醫將可收取首付款4億美金,同可高達7.3億美金嘅潛在未來里程碑付款,總額可高達11.3億美金,而且外加基於淨銷售額嘅特許權使用費。計劃今年完成喺美國、歐洲同日本嘅上市許可申請提交。以上都會成為和醫未來盈利嘅增長動力之一。

　　和醫喺舊年10月25日跌到11.36銀之後就轉升,上星期五高見32.6銀,由低位計升咗超過1.8倍,但之後轉跌,至今由高位累跌超過一成,驚執輸可以現價落住一注先,我認為醫藥股長線回報一定好過短炒,只要有隻藥成功上市,尤其係針對癌症,就會成為股價上升動力來源,長遠破上市高位85.8銀一啲都唔奇!9RSI超買對和醫唔太起到作用,24銀附近明顯由前橫行區阻力變支持,大市有機會喺2月份出現調整浪,和醫如見24銀不妨落第二注,首目標望住40銀先,請請!

*編者按:本欄搜羅即日熱門傳聞,惟消息未經證實,《經濟通》亦不保證內容之準確性;本文只供參考之用,並不構成要約、招攬或邀請、誘使、任何不論種類或形式之申述或訂立任何建議

及推薦,讀者務請運用個人獨立思考能力自行作出投資決定,如因相關建議招致損失,概與《經濟通》、編者及作者無關。