《小傳日記》雷軍話SU7唔可以賤賣!廿萬一架都會爭著買?

　　《小傳日記》雖然電動車行業競爭大咗咁多,通行齊齊減價,不過都無阻行業嘅汰弱留強,有理想(02015-HK)創下晉身龍頭嘅奇蹟,都有跨界造車嘅小米(01810-HK)風頭火勢之際都嚟分一杯羹,最新就有傳4月就可以喺街見到SU7。

　　最新網上就流轉一張疑似內幕議程,其中就披露咗小米汽車工廠將會出產第一架車,去到4月就可以交車,預計產量大約2000架,總值4億人仔。聰明嘅大家即使除一除,除開平均就係20萬人仔一架囉!不過要記得SU7同iPhone一樣係有三個版本,有普遍版、Pro同Max,照咁計最平嘅普遍版可能係20萬有找添!

　　謠言滿天飛,不過小米官方一直都對SU7資訊好口密,未到時候就唔肯公布,雖然都有可能係小米方面自己吹風,謠言總係間唔中就會傳一吓,令小米車消息老是常出現,唔係最熱,但

又間唔中引起話題,炒主題嘅火候啱啱好。總知今次都係唔係正式官宣售價,繼續故弄玄虛。雷軍之前就講到,SU7係按Dream　Car標準嚟設計,揼咗好多本。言下之意即係絕對唔會賤賣啦,雷老闆就話,「肯定不是9萬9、14萬9,也不會是19萬9」。咁20萬都唔係19萬9嘅,但平均先20萬,即係有可能會低過19萬9喎。

　　其實而家仲低價位嘅國產電動車係非常多,間間廠都驚定價太進取會無人吼。雖然之前孖屐都覺得小米車結果並唔係想像中咁平,對比返個市來講都係中低價位,恰好就係競爭最大嘅價位水平,所以都令孖屐擔心SU7嘅性能究竟夠唔夠揪。諗深一層,全個汽車業,最有能力發揮到電話+汽車嘅優勢嘅,一定係小米,連賺錢嘅蘋果都「棄」車業,小米更加少一個對手。希望小米快啲官宣架車究竟有咩性能,咁就可以知道20萬人仔究竟值唔值,請請!

*編者按:本欄搜羅即日熱門傳聞,惟消息未經證實,《經濟通》亦不保證內容之準確性;本文只供參考之用,並不構成要約、招攬或邀請、誘使、任何不論種類或形式之申述或訂立任何建議

及推薦,讀者務請運用個人獨立思考能力自行作出投資決定,如因相關建議招致損失,概與《經濟通》、編者及作者無關。