《小傳日記》食住國貨熱潮,小米14十一月提早出鞘!

11月初出小米14。多間內媒報道,小米14將會對標iPhone　15　Pro╱ProMax,即係指名道姓要同iPhone高端版對撼,而唔係普通版。消息又話,日前已經開工量產,仲話今次小米手機嘅生產量比起舊年同期增加咗六成,確保一出就可以有大貨供應。

　　由上年小米13開始,小米就想改行高端路線。記得上年小米13推出,一部機價錢都已經拍得住一部iPhone,普遍孖屐反應都唔睇好,因為用同一價錢,個個都寧願買iPhone好過小米。不過有網上評論就話,今次小米比起上年提前咗一個月發表新機,係因為小米13「大受歡迎」,9個月就達成銷售目標,所以今次趁勢加快產品周期。加上就係華為Mate　60帶起咗國貨潮,小米於是就想食埋條水佢。

理器,雖然有傳會令成本急升,不過據聞小米為咗小米14成為第一部用新處理器嘅手機,所以就提前發布搶頭啖湯。除咗用新處理器,有傳小米14會用5000萬像素主鏡頭,內置4860mAh電池,14　Pro就會用到5000mAh電池。不過整體外型好似同小米13無乜分別,就咁睇就會比較似小米13嘅加強版。

　　雷軍已經唔只一次提過小米要「對標」iPhone,上個月嘅演講入面又再提到,話當自己第一次提出要對標iPhone,都係被人冷嘲熱諷,不過佢就堅持要對標iPhone,先有機會「趕上」iPhone,甚至「超越」iPhone,所以,以後每次出新機都會強調一次。所謂不進則退,iPhone都被人笑緊無乜新意,小米話唔定有一日真係可以「超越」iPhone呢,請請!

*編者按:本欄搜羅即日熱門傳聞,惟消息未經證實,《經濟通》亦不保證內容之準確性;本文只供參考之用,並不構成要約、招攬或邀請、誘使、任何不論種類或形式之申述或訂立任何建議

及推薦,讀者務請運用個人獨立思考能力自行作出投資決定,如因相關建議招致損失,概與《經濟通》、編者及作者無關。