《小傳日記》神州500強企業名單出爐!都係銀行最好做?

　　《小傳日記》《財富》噚日就新鮮滾熱辣公布咗神州500強企業名單,名單用2022年全年收入同淨利潤計算排名,當中同時包括咗上市同非上市公司,亦都包括台灣公司。

　　單以收入計算,500強嘅no.1就係國家電網,2022年全年收入有成5300億美金,即係成3.788萬億人仔,不過如果以淨利潤計,國家電網只係排第19位。而最賺錢公司,都繼續係四大國有銀行穩佔頭4位,排名分別係工行(01398)(535.89億美金)、建行(00939)(481.45億美金)、農行(01288)(385.24億美金)同中行(03988)(338.11億美金),工行、建行都係遙遙領先,所以身為重磅藍籌都係當之無愧。

　　唔計國企,QQ(00700)就係大陸最賺錢嘅民企,以279.84億美金排名第6位,其次就係第13位嘅平保(02318)(124.53億美金),再之後就係第15位嘅巴巴(09988)(106.25億美金)。

　　至於香港方面當然都係要靠誠哥做代表,長和(00001)以46.84億美金排最賺錢公司嘅第30位,但如果單計收入就只係得第129位。

　　總結成個排名,頭10位最賺錢公司有5間都係銀行,有7間都係國企,頭10入面就得QQ同招行(03968)係大陸民企。而QQ雖然賺錢,不過孖屐就會嫌增長空間唔多,始終科技唔同銀行股,銀行股keep住做隻大cash　cow就會有人吼,而QQ就只係隻企鵝,行得慢就會被人嗒!請請!

　　　《財富》中國十大最高利潤企業名單

　　　================

*編者按:本欄搜羅即日熱門傳聞,惟消息未經證實,《經濟通》亦不保證內容之準確性;本文只供參考之用,並不構成要約、招攬或邀請、誘使、任何不論種類或形式之申述或訂立任何建議

及推薦,讀者務請運用個人獨立思考能力自行作出投資決定,如因相關建議招致損失,概與《經濟通》、編者及作者無關。