【財華花絮】周大福(01929-HK)X新媒體，拼「好聲音」玩微博

周大福 Crossover 新媒體有咩玩？今日周大福舉辦傳媒午宴，席上管理層忍唔住讚嘆，內地同事好多有才藝又敢於表現的明日之星，所以集團乾脆搞左個比賽，學足宜家最潮做法，員工自錄演唱片段upload上網俾大家投票，名列前茅既即刻可飛過來香港總部參加總決賽，舉辦真正網絡版「周大福．好聲音」！小記建議獎品送一呎高足金麥克風一個！

集團董事總經理兼執行董事黃紹基講得興起，話自己都玩開微博，成日都有客人「@」佢互動，好受歡迎，好似前排有位內地客人，同佢探討中港消費心得，最後仲得到集團10周歲?福星寶寶一隻！不過就唔係金首飾，不過「@」到有隻公仔都好過無啦。

講翻生意，宜家新媒體浪潮咁勁，周大福都識跟大勢，係網絡商城淘寶天貓(Tmall)開?分店，講到去年「1111光棍節」活動，集團執行董事兼財務董事鄭炳熙就話，當時佢?天貓分店營業額升?20倍咁多！睇?光棍節宅在家中的宅男宅女，實力真的不容小覷！不如周大福搞既「周大福．好聲音」俾埋各位富宅玩，如果發掘到明日之星仲可以做埋代言人喎！(H)

更多精彩內容,請登陸財華智庫網 (http://www.finet.com.cn) 或財華香港網 (http://www.finet.hk)

FINT[PFSTBMX,MRKT]

X