《小傳日記》蘋果嚐敗後再戰面部穿戴設備,智能眼鏡真係咁好景?

　　《小傳日記》今日有消息放出,蘋果公司上周啟動咗代號為「Atlas」嘅智能眼鏡研究計劃,想進軍智能眼鏡領域。呢單消息一出,蘋概股全線應聲上揚,高偉電子(01415-HK)破頂高見27銀,最大升幅15%;舜宇光學(02382-HK)最大升幅15.65%,高見56.9銀。

起進攻。今年2月,蘋果推出首款VR頭戴裝置Vision　Pro,賣到3499美元,約兩萬七銀。唔單止定價高,用家體驗更係一言難盡。Vision　Pro嘅重量大概係1斤2兩左右,相當於綁咗一個中等大小嘅哈密瓜喺頭上,只要戴耐少少,用家就會頸痛、頭痛、顴骨痛,而且Vision　Pro仲有3D眩暈、續航時間短、殺手級應用數量不足等問題,認真伏過直升機。

產呢個版本。搞出呢壇嘢後,蘋果都積極研究點樣減輕設備重量同提升佩戴舒適度,智能眼鏡呢種相對輕便嘅設備就係佢哋搵到嘅突破點。

　　不過智能眼鏡概念實在唔算創新,講真可以話有啲復古,事關有關賽道已經高手雲集:Meta、Google、微軟、OpenAI等AI領域嘅領先公司,都嘗試緊將AI技術融入智慧眼鏡同其他可穿戴設備之中。Facebook母公司Meta與雷朋(Ray-Ban)合作嘅智能眼?,賣299美元,話係AI領域最暢銷嘅硬件產品之一,預計今年出貨 量超過200萬副。佢哋聲稱呢款眼鏡可以影相、計算食物卡路里、識別植物、翻譯等,至於Google嘅AI模型Gemini,專注喺智能眼鏡嘅搜索服務;而微軟喺眼球追踪技術方面攞咗專利,主打互動體驗。

　　雖然競爭激烈,但蘋果有其獨特優勢。佢哋有多項智能眼鏡相關專利,仲收購咗好多AR╱VR技術公司,技術基礎穩陣。Vision　Pro本身亦都有可圈可點嘅地方,例如個「空間計算」體驗,令你感覺置身於數字同現實混合嘅世界,沉浸感爆棚。而且手眼追蹤技術都被稱讚又流暢又準,操作簡單方便。

　　咁多款眼鏡要揀邊款,要問筆者意見,就當然係邊款唔醜戴邊款,因為有時科技宅嘅審美真係不敢恭維,就算幾好用,醜到戴唔到出街,都好難講有咩應用空間,請請!

*編者按:本欄搜羅即日熱門傳聞,惟消息未經證實,《經濟通》亦不保證內容之準確性;本文只供參考之用,並不構成要約、招攬或邀請、誘使、任何不論種類或形式之申述或訂立任何建議

及推薦,讀者務請運用個人獨立思考能力自行作出投資決定,如因相關建議招致損失,概與《經濟通》、編者及作者無關。