《小傳日記》中免投標仁川機場免稅店,現價博入230割禾青!

　　《小傳日記》據韓媒報道,中國中免(01880)擬競投南韓仁川機場免稅店經營權。不過,南韓免稅店業界就感到不安,驚由中免經營令外匯流走。

　　南韓免稅店業界嘅擔憂唔係無原因,不論由中國中免或者其他國家的企業進駐仁川機場,其實都會造成外匯流走。從經營角度睇,機場免稅店根本就係獨市生意,而且客源來自全球各地,總有商品啱心水,咁南韓又點會讓肥水流向別人田呢?World　Council)喺2019年10月,即新冠疫情大爆發前發表嘅報告,全球2017年整體免稅及旅遊銷售,亞太地區就達到362億美金,佔咗全球45%,其中南韓更佔咗全球18%,第二同第三位分別係中國同美國,第四同第五位就係英國同德國。呢個或者就係中免有意競投仁川機場免稅店經營權嘅原因。

　　另外,舊年10月都有報告指出,全球免稅零售市場規模喺2021年達到336.518億美金,而且預期複合年增長率達到10.6%,主要受惠機場、輪渡碼頭同航機上嘅銷售推動。以銷售佔比計,香水及化妝品佔約三成,電子商品則佔逾14%,亦即南韓免稅店及旅遊的香水及化妝品銷售佔全球約13.5%或45.43億美金。

　　中免中唔中到標,先決條件係南韓政府係咪有心放番畀南韓企業,其次就睇投標金額吸唔吸引,另外,就算中標都要睇可以玩幾耐,即係年期幾長。至於中免股價,最近5個交易日跌到200銀好似支持力幾強,知道佢投標,尋日個成交額都急增。今日主動買入整體佔63%,過去1個月、2個月同6個月平均都有十幾億銀淨流入,要博,現價200銀就可以入,極其量195銀止蝕,萬一中標,可以230銀為首個割禾青目標。請請!

*編者按:本欄搜羅即日熱門傳聞,惟消息未經證實,《經濟通》亦不保證內容之準確性;本文只供參考之用,並不構成要約、招攬或邀請、誘使、任何不論種類或形式之申述或訂立任何建議

及推薦,讀者務請運用個人獨立思考能力自行作出投資決定,如因相關建議招致損失,概與《經濟通》、編者及作者無關。