【財華花絮】貿易通(00536-HK)CEO工作忙錯失投資機會，睇好內地機會

話說貿易通行政總裁吳偉聰(Michael)曾任證監會高層，以及在證券公司供職，又要管理公司逾2億元的債券投資組合，投資有一手，今日他在傳媒午宴上話，很後悔去年底因為忙於工作，個人錯過了買內房債券的機會。咁樣聽落去股東放心啦，為公而忙私，難怪去年貿易通又見到持續增長啦。

曾經作為中證監顧問的他又認為，國企發行的債券，有中央政府做後盾：「你怕他default? 好似如果華潤發債，雷曼爆十次，華潤都不會爆一次。現在前鐵路部的債都一樣。」似乎對內地充滿信心！難怪貿易通一直都有在內地投資。

提到歐洲，Michael態度就唔同啦，他話，歐洲塞浦路斯的情況為向存戶徵稅開了一個好壞的先例，日後即使持有現金，都需要考慮是否要「放落床下底」。不過話峰一轉，Michael話如果歐洲問題得以解決，認為投資A股是不錯的選擇，又話對於港人買A股的限制難不到港人，又叫大家考慮A股ETF。但如果選擇投資A股，佢唔建議沾手內銀股，不過內房股還可以考慮。結論都係內地市場！貿易通來緊會否多左投資內地，不妨拭目以待！(C/H)

更多精彩內容,請登陸財華智庫網 (http://www.finet.com.cn) 或財華香港網 (http://www.finet.hk)

FINT[PFSTBMX,MRKT]

X