【財華花絮】「食神基」立志不停食好野擴合興(00047-HK)版圖

合興執行董事及行政總裁洪明基為左集中精力拓展大中華既美食王國，擺出對飲食生意好有信心好有vision既姿態。股東會後好大方見記者，話公司唔排除會繼續收購內地餐飲生意，仲話揀邊間去收購的標準，乃「最緊要係好食」，自己食過好味先至對盤生意有信心。

「古有神農氏嘗百草，今有洪明基食好野」，「食神基」自己有好多難忘既飲食經驗，而佢會將每次既飲食經驗轉化為商機，不枉《財華社》叫佢「食神」。講到食，佢暢所欲言分享一對情侶係內地吉野家食野既情況，當時個少女狼吞虎嚥咁樣食緊碗吉野家飯，但係坐係對面既男仔眼光光望住個女仔又唔叫野食，佢面前淨係放左杯野飲。「食神基」見異況就親自去了解下，原來果位男仔係北方人，而北方文化好少食飯喎。

一段小小的插曲，成就左「食神基」拓展飲食業務既指標同方向，最後亦落實在內地吉野家創新地賣湯麵。問到「食神基」有冇意在香港大展拳腳，但佢都係只著眼於內地的廣闊空間，仲話佢會繼續不停試食，以圖擴大公司既美食版圖。見今日個個股東都手拿著支食油仲有特別息派，而家賣左食油業務俾洪氏家族，唔知下次合興會有咩新既美食驚喜俾股東呢？似乎，要攪好餐飲生意，真係要領略「民以食為天」的真諦！(Q)

更多精彩內容,請登陸財華智庫網 (http://www.finet.com.cn) 或財華香港網 (http://www.finet.hk)

FINT[PFSTBMX,MRKT]

X