《小傳日記》比亞迪蔗渣價賣燒鵝!銷量一定無甩拖?

　　《小傳日記》車股今年以來都係處於捱打狀態,新車賣貴少少都會被孖屐質疑可唔可以喺減價戰生存。但係大佬BYD(01211-HK)就呢個時勢發有新系統技術,而應用咗新技術新車竟然超抵價發售,令呢隻大牛龜噚日都久違地大彈5%。

版插混車型,秦L　DM-i同海豹06　DM-i,標價只係9.98萬銀(人仔.下同)至13.98萬銀,全新技術但係就賣得咁平,單睇牌面已經好吸引,就要係龍頭BYD出嘅新車。

技術」,原理係運用雙電機串並聯架構,兩部電機一部用作驅動,另一部就用作發電同啟動發動機,而兩部機嘅運作都比較獨立,令架車行駛時候更多情況會依賴電動,從而提高效率並且減低油耗,所以電池容量會更大,而且電機效率更高,續航能力亦都更強。BYD就提到,第五代DM技術可以實現全球最低百公里虧電油耗2.9L同全球最長綜合續航2100公里,油耗只有燃油車嘅三分之一,綜合續航更加係燃油車的三倍。

　　講到咁犀利,但兩款新車最平10萬銀有找就可以買到,對於銷量係好事,但毛利有幾高就要再睇,始終開發技術都有成本,新技術反而賣得平,後續都好睇呢個新技術嘅變現能力究竟有幾高。如今車股除咗技術方面,慳皮都係一大目標,始終減價戰係以本傷人,實力夠強先可以留得青山在,BYD都係實力夠勁,先可以做到咁平。以呢個價錢嚟講,後續再減價空間應該唔大,所以好大可能只會有加無減。

　　今次兩款車預期反應都應該唔會太差,只係睇會唔會同孖屐預期有落差,請請!

*編者按:本欄搜羅即日熱門傳聞,惟消息未經證實,《經濟通》亦不保證內容之準確性;本文只供參考之用,並不構成要約、招攬或邀請、誘使、任何不論種類或形式之申述或訂立任何建議

及推薦,讀者務請運用個人獨立思考能力自行作出投資決定,如因相關建議招致損失,概與《經濟通》、編者及作者無關。