《小傳日記》迪士尼新發明,VR滑行地板行唔停!

　　《小傳日記》元宇宙曾經係神州,以至係全球嘅科技同埋財經嘅焦點。不過「出道即顛峰」,炒完一輪結果都係過咗氣,間間科企大佬都講明轉搞AI,元宇宙就放埋邊先。有人就話係「元宇宙泡沫爆破」,不過科技一定係日新月異,只係唔當炒。搵唔到錢住就惟有交返畀有夢嘅人去搞,近期迪士尼嘅幻想工程部就發明咗一款「Holo　Tile」,令到元宇宙嘅體驗更加逼真。

　　身為繼華特迪士尼之後,第二位獲選入美國發明家名人堂嘅幻想工程師,Lanny　Smoot最新發布咗一款「Holo　Tile」,其實就係一塊由全方位移動地板,用家可以喺上面全方向咁移動,慢慢行嘅話行去邊一邊都唔會偏離中心太遠,當戴住VR眼鏡喺上面行,臨場感就可以大大提升。

裝置,底部向上延伸出一個圓形腰帶,用家要用腰帶固定身體,就算喺VR世界入面,點行都一定感覺到有條腰帶困住自己。但係Holo　Tile就唔使固定裝置,真係可以自由自在咁行。

Holo　Tile上面嘅走動更加自由,減低咗視覺同身體嘅衝突,咁就可以令人更加沉浸喺VR世界入面。

　　雖然近期元宇宙熱度大大降低,主要係因為ChatGPT橫空出現之後,孖屐發覺AI嘅先進程度已經可以做到融入日常生活入面,實用度亦都更加高,反而元宇宙喺價錢同實用性上都未夠親民,寧願先將目光放喺現實。但其實AI之外,世界嘅元宇宙發展仍然喺鎂光燈之外繼續進行,可能有一日又會出奇不意咁成為世界嘅焦點,請請!

*編者按:本欄搜羅即日熱門傳聞,惟消息未經證實,《經濟通》亦不保證內容之準確性;本文只供參考之用,並不構成要約、招攬或邀請、誘使、任何不論種類或形式之申述或訂立任何建議

及推薦,讀者務請運用個人獨立思考能力自行作出投資決定,如因相關建議招致損失,概與《經濟通》、編者及作者無關。