《小傳日記》人造肉你或者會食,「史前肉」你又敢唔敢食!

　　《小傳日記》全球仍然面對高通脹,唔少西方發達國家,好似英國同法國都有示威遊行,抗議物價太高,搞到無啖好食!我突然諗起人造肉,唔好誤會,唔係人肉造呀!雖然我從來無食過(如果我知道的話),但可能解決到,或者應該話滿足到人類嘅「肉」望。不過,你就算肯食人造肉,但又夠唔夠膽食「史前肉」?

　　外媒報道話,澳洲培植肉公司Vow旗下嘅科學家團隊,就通過抽取長毛象嘅肌肉蛋白基因排序,放入羊嘅肌肉母細胞中的幹細胞,部分欠缺的空白基因代碼就由長毛象嘅「親戚」-非洲

大象的DNA嚟填補,之後複製出200億個幹細胞,用嚟培植長毛象肉,再製作成長毛象肉丸!

　　據報該「肉丸」星期二(28日)晚上喺荷蘭阿姆斯特丹科學博物館展出,經過烘烤後色澤好似牛肉,據講仲話有啲鱷魚肉味添!不過,參與研究嘅昆士蘭大學生物工程教授Ernst　

Wolvetang就話,四千年前絕種嘅長毛象肌肉蛋白放到依家充滿「未知數」,唔知食咗會令免疫系統有咩反應,因此推出市場前要先進行嚴格測試。不過,佢自己就話不敢食喇,驚會致命咁話。

,被問到未來會唔會利用暴龍基因研發培植肉時,佢話暴龍基因排序其實唔難攞,所以唔排除未來將會研發含有暴龍成分培植肉類嘅可能!最高迫近240美金,市值達到151億美金,不過依家每股唔夠16美金!另一家素食公司Impossible　Foods都打算上市,但未必係今年,據講Bill　Gates同李嘉誠都係股東,睇怕到時股價都會爆升。

　　如果有公司開闢新市場,專造「史前肉」,又會唔會吸引到特殊愛好者,到時一間變兩間,兩間變四間,如此類推,之後上市,嘩!諗下都興奮!請請!

*編者按:本欄搜羅即日熱門傳聞,惟消息未經證實,《經濟通》亦不保證內容之準確性;本文只供參考之用,並不構成要約、招攬或邀請、誘使、任何不論種類或形式之申述或訂立任何建議

及推薦,讀者務請運用個人獨立思考能力自行作出投資決定,如因相關建議招致損失,概與《經濟通》、編者及作者無關。